Accessibility links

Мәскеудегі өрт құрбандарының 8-і - қырғызстандық


Мәскеудегі өрт болған ғимарат. 31 қаңтар 2016 жыл.

Мәскеудегі өрт болған ғимарат. 31 қаңтар 2016 жыл.

Мәскеудің Стромынка көшесіндегі ескі тігін цехы орналасқан ғимараттағы өрттен қаза тапқандар арасында Қырғызстанның сегіз, Өзбекстаннның екі азаматы бар деп хабарлады Азаттықтың Қырғыз редакциясы.

Қырғызстан сыртқы істер министрлігінің 1 ақпанда хабарлауынша, сегіз қырғызстандықтың бірі - жас бала.

Тігін цехындағы өрт қаңтардың 31-і жексенбіге қараған түні шыққан. Өрт орнынан 12 адамның, оның ішінде үш баланың денесі табылған. Қаза тапқандардың екеуі - Қырғызстанда туған Ресей азаматтары.

Министрлік марқұмдардың туыстарының Мәскеуге бару сапарын ұйымдастыруды сыртқы істер министрі Ерлан Абдылдаев қадағалап отырғанын айтады.

Кешкі сағат 9 шамасында шыққан өрт бес сағатқа созылып, 3 мың шаршы метр аумақты шарпыған. Өрттің неден шыққаны әзірге белгісіз.

Цех орналасқан аумақты қырғыз бизнесмені жалға алған.

XS
SM
MD
LG