Эстонияда үш ер адам Ресей пайдасына тыңшылық жасады деген айыппен сотталды. Эстония прокуратурасы сотталғандарды контрабандистер деп атап, оларға қарсы сот қазан-ақпан айлары аралығында өткенін хабарлады.
Сот үш адамды екі жылдан төрт жыл он айға дейінгі мерзімге дейін бас бостандығынан айыру үкімін кесті. Тергеу мәліметтері бойынша, сотталғандар Ресей арнайы қызметіне Эстонияның барлау, әскери құрылымдар мен шекара әскері және қауіпсіздік қызметінің операциялары және қозғалысы туралы ақпарат берген.
Сотталғандар - эстониялық Александр Руднев пен Максим Груздев және азаматтығы жоқ Павел Романов. Үшеуі де - этникалық орыстар.
НАТО құрамына кіретін Эстония соңғы уақыта көршілес Украинадағы жағдайға қатысты және шекараға жақын аймақта Ресей әскерилері белсенділігінің күшейгеніне қатты алаңдай бастады.
