Accessibility links

"Нұр Отан" жайлы жазба жариялаған белсенді ұсталды


Астана тұрғыны, белсенді "Айгүл Өтепованы бүгін таңертең полицейлер ұстап әкетті" деп хабарлады Азаттық тілшісі.

Өтепованың Азаттыққа телефон арқылы хабарлауынша, "полицейлер өзін Facebook парақшасында "Нұр Отан" партиясы жайлы жазбасы үшін ұстаған".

- Бүгін таңертеңгі сағат 9 шамасында мені үйімнен 20 жастағы ұлыммен бірге ұстап, Янушкевич көшесіндегі полиция бөліміне әкелді. Мұнда маған Facebook-те тұрғын үй подъезінен "Нұр Отан" партиясының үгіт-насихат парақшасын жұлғаным туралы жазбама және онда "бейәдеп сөз жазғаным" үшін түсініктеме жазуды талап етіп отыр. Әкімшілік кодекстің 434-бабы 1-тармағы бойынша, "қоғамдық орында бейәдеп сөйледің және рұқсат етілмеген жерге қоқыс тастадың" деп айыптады. Бірақ Facebook қоғамдық орын емес қой, - дейді Айгүл Өтепова.

2-полиция бөлімшесі өкілдері Азаттыққа Өтепованың ұсталуына қатысты түсінік беруден бас тартты. Қалалық ішкі істер департаментінің баспасөз қызметі белсендінің ұсталуына қатысты түсінік алу үшін жазбаша сауал жолдауды сұрады.

AzattyqTV

XS
SM
MD
LG