Accessibility links

Атырауда қар суы үйлерге жайыла бастады


Доссор көшесі 40 барак үйдегі Айгүл Жанғалиеваның пәтерінің іші. Атырау қаласы, 1 наурыз 2016 жыл.

Доссор көшесі 40 барак үйдегі Айгүл Жанғалиеваның пәтерінің іші. Атырау қаласы, 1 наурыз 2016 жыл.

Атырауда күн күрт жылынып, еріген қар мен жаңбыр суының салдарынан ескі барак үйлердің ішіне су кіріп кетіп жатыр. 1966 жылы салынған Доссор көшесіндегі № 40-шы барак үйдің тұрғындары үй ішіне су кіріп кеткенін айтып, берекелері кетіп отырғанын жеткізді.

- Ақпанның 6-сынан бері су соратын машина тек бір рет келді. Су деген үйіміздің ішінде, еденінен шығып жатыр,- дейді Айгүл Жанғалиева.

Бұдан өзге Атырауда қаласындағы "Лесхоз", "Тайманов", "Ескі әуежай" аймақтарында да үйлердің іші сырты суға толып кетіп жатқанын тұрғындар хабарлап отыр.

Атырау қалалық тұрғын үй, коммуналдық қызмет бөлімі басшысының орынбасары Эдуард Оспанов та тұрғындардан арыздың түсіп жатқанын растады.

- Алдымен орталық көшені, содан соң жағдайы жоқ отбасыларға суын тазартып қызмет көрсетіп жатырмыз, - деді ол.

Атырау облыстық төтенше жағдайлар департаментінің бірыңғай кезекшілік диспетчерлік басқармасының бастығы Нұрлан Жанбаевтың айтуынша 4-29 ақпан аралығында күніне 40-45 үйді судан арылту жұмыстары жүргізілген.

Атырауда 2015 жылы мамырдың 11-12-сінде қалың нөсер жауып, мыңнан астам үй жиналған судың астында қалған еді. Олардың он шақтысы мүлде құлап қалған болатын.

XS
SM
MD
LG