АҚШ вице-президенті Джо Байден Ирак пен Сириядағы жағдайды, экономикалық және энергеткалық мәселелерді талқылау үшін Таяу Шығысқа барады. Ақ үй Байден Біріккен Араб әмірліктері, Израиль, Батыс жағалау мен Иорданияға барады дейді.
5 наурызда Вашингтоннан ұшып шығатын Байден Израиль премьер-министрі Беньямин Нетаньяхумен және Палестина автономиясының басшысы Махмуд Аббаспен кездеседі.
Бірақ Ақ үй кездесудің күн тәртібінде израиль-палестин қақтығысының алдын алуға қатысты ешқандай маңызды бастама болмайды дейді. Вашингтон қақтығысушы тараптарда израильдіктер мен палестиналықтар арасындағы бейбіт процесті қайта бастауға саяси ерік-жігер барына сенімді емес.
