Accessibility links

Қазығұртта кандидатты тіркеуден алуға қарсылық танытты


Аудандық маслихаттың депутаттығына кандидат Боранбай Төлеевті тіркеуден алып тастауға наразылық білдірген адамдар. Қазығұрт ауылы, Оңтүстік Қазақстан облысы. 17 наурыз, 2016 жыл.

Аудандық маслихаттың депутаттығына кандидат Боранбай Төлеевті тіркеуден алып тастауға наразылық білдірген адамдар. Қазығұрт ауылы, Оңтүстік Қазақстан облысы. 17 наурыз, 2016 жыл.

Бүгін, наурыздың 17-сі күні таңертең Оңтүстік Қазақстан облысы Қазығұрт кентінде осы ауданға қарасты Алтынтөбе ауылының бір топ тұрғыны жиналып, наразылық танытқаны хабарланды.

Facebook қолданушысы Бердалы Дүйсенбайұлы парақшасында жазуынша, тұрғындар "аудандық маслихатт депутаттығына кандидаттың сайлауға екі күн қалғанда алынып тасталғанына наразылық танытқан".

Азаттық тілшісі Бердалы Дүйсенбайұлына хабарласқанда ол өзінің Қазығұрт кентінен шығып бара жатқанын айтып, кент орталығына келушілердің көптігін растады.

Оның айтуынша, Қазығұрт аудандық мәслихаты депутаттығына кандидат ретінде тіркелген Боранбай Төлеевті қолдаушылар аудан орталығына үш "Газель" жолаушылар автобусы мен қырық шақты көлікпен келген. Ол сол жердегі көргендердің айтуымен «екі жүзге жуық адам бар» деп топшылайды. Боранбай Төлеевті сырттай ғана білетінін айтқан ол Қазығұртқа келген Алтынтөбе тұрғындарының аудандық сотқа қарай кеткенін айтты.

Боранбай Төлеев Алтынтөбе ауылы тұрғындарының өзін қолдап Қазығұртқа келгенін растағанымен, нақты санын айта алмады. Төлеевтің айтуынша даудың шығуына аудандық мәслихат депутаттығына кандидат ретінде тіркелу үшін тапсырған табыс декларациясы түрткі болған. Ол халықтың өзін қолдап аудан орталығына баруы өзімен келісілмегенін, халықтан тезірек тарауын сұрағанын және мәселені сот шешетінін айтты.

  • 16x9 Image

    Асылхан МАМАШҰЛЫ

    1973 жылы 22 сәуірде дүниеге келген. 1994 жылы Қорқыт ата атындағы Қызылорда пединститутын бітірген. 1997-2000 жылдары әл-Фараби атындағы Қазақ ұлттық университетінің аспирантурасында оқыған. "Қазақ энциклопедиясы" баспасында (2001-2007), республикалық "Ана тілі" газетінде (2007-2009) , "ABDI-press" орталығында (2009-2010) жұмыс істеген. 2011 жылдан Азаттық радиосының тілшісі.

    Тарихи, саяси мәселелер тақырыбында жазады, белгілі тұлғалардың саяси портреттерін жасайды. Автормен оның Facebook парақшасында да пікірлесуіңізге болады.

XS
SM
MD
LG