Accessibility links

"Қайрат" бапкері Бородюк отставкаға кетті


Александр Бородюк (Сурет "Қайрат" командасының баспасөз қызметінен алынды).

Александр Бородюк (Сурет "Қайрат" командасының баспасөз қызметінен алынды).

Футболдан алматылық "Қайрат" командасының бас бапкері ресейлік Александр Бородюк үш турдан кейін өз еркімен қызметінен кетті. Бұл туралы клубтың ресми сайты мәлімдеді.

Алматылық команда Қазақстан чемпионатының 3-турында Оралда "Ақжайық" клубынан 1:2 есебімен жеңіліп қалған. Бұл матчқа "Қайратқа" жақында келген Ресей құрамасының бұрынғы ойыншысы, Англияның "Арсенал" командасында ойнаған Андрей Аршавин де қатысқан.

Ал осыған дейінгі ойындарда "Қайрат" "Тараздан" жеңіліп (1:2), көкшетаулық "Оқжетпеспен" 1:1 есебімен тең ойнаған. Қазір алматылық команда турнир кестесінде 10-орында келе жатыр.

"Қайрат" былтыр Қазақстан кубогын жеңіп, Қазақстан чемпионатында екінші орын алған. Команданы жаттықтырған словакиялық маман Владимир Вайсс "Қайрат" екінші орын алып қалғанын себеп етіп, қызметінен кеткен.

Бородюк "Қайратқа" 2015 жылдың соңында келген.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG