Accessibility links

Алматылық "Қайрат" командасына жаңа бас бапкер тағайындалды. Енді клубты биылғы маусымның соңына дейін грузиялық маман Кахабер Цхададзе жаттықтырады.

Цхададзе Германияның "Айнтрахт", Англияның "Манчестер Сити", Ресейдің «Динамо» мен «Спартак» клубтарында ойнаған, бапкер ретінде Грузия және Әзербайжан клубтарын жаттықтырған. Оның соңғы жұмыс орны Грузия құрамасы болған. Алайда ол Грузия футбол федерациясымен жалақы көлеміне қатысты келісе алмай қызметінен кеткен еді. Қазір Грузия құрамасын "Қайраттың" бұрынғы бапкері Владимир Вайсс жаттықтырады.

«Қайратқа» биыл келген ресейлік бапкер Александр Бородюк алматылық футбол клубы чемпионаттың алғашқы үш ойынында екі рет жеңілген соң 5 сәуірде қызметінен кеткен еді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG