Accessibility links

Маңғыстауда монополияға қарсы қызмет басшысы ұсталды


Маңғыстау облысының аумақтық картасы (Көрнекі сурет).

Маңғыстау облысының аумақтық картасы (Көрнекі сурет).

Табиғи монополияны реттеу және бәсекелестікті қорғау комитеті Маңғыстау облыстық департаментінің басшысы Т.Махамбетов пен оның орынбасары А.Оңаев мемлекетке залал келтірді деген күдікпен ұсталды.

Ұлттық коррупцияға қарсы іс-қимыл бюросы Маңғыстау облыстық депртаментінің хабарлауынша, Махамбетов қызмет бабын теріс пайдаланып, өзіне бағынышты адамға "Өзен-Жылу" мемлекеттік коммуналдық кәсіпорнын тексеру кезінде анықталған монополияға қарсы заңды бұзу фактісін жасыруға тапсырма берген.

Ал Оңаев кәсіпорынға салынған әкімшілік құқық бұзушылық пен айыппұлды 9 миллион 600 мың теңгеден 3 миллион 200 мың теңгеге дейін азайту үшін "Өзен-Жылу" кәсіпорны басшысынан 300 мың теңге пара талап етіп, алған.

Қазір Махамбетов пен Оңаев Ақтаудағы ішкі істер басқармасының уақытша қамау изоляторына қамалып, сотқа дейінгі тергеу басталған.

XS
SM
MD
LG