Accessibility links

Қырғызстан парламентінің спикері сайланды


Қырғызстан парламенті спикері Чыныбай Турсунбеков.

Қырғызстан парламенті спикері Чыныбай Турсунбеков.

Қырғызстанның төртінші шақырылымдағы парламентінің спикері болып бүгін Чыныбай Турсунбеков сайланды. Парламент депутаттары спикерді пленарлық отырысында сайлады. Спикерлікке Турсунбековтен өзге "Онугуу-Прогресс" фракциясынан Исхак Масалиев те үміткер болған.

Құпия дауыс беруге 120 депутат қатысқан. Турсунбековтің кандидатурасын 88 депутат, Масалиевті 26 депутат қолдап дауыс берген.

Турсунбековтің кандидатурасын президенттің Социал-демократиялық партиясы ұсынып, "Республика - Ата Жұрт", "Ата Мекен" және "Қырғызстан" фракциялары қолдаған.

Екі апта бұрын Асылбек Жээнбеков ағасы Сооронбай Жээнбеков премьер-министр болып тағайындалуына байланысты парламент спикері қызметінен кеткен. Қырғызстан заңдары бойынша, туыс адамдар мемлекеттік жоғары лауазымды қызмет атқара алмайды.

XS
SM
MD
LG