Ресейде шайбалы хоккейден ерлер арасында әлем чемпионаты басталды. А тобына түскен Қазақстан құрамасы алғашқы ойында Швейцария командасымен кездесіп, матчтың негізгі уақыт 2:2 есебімен аяқталды. Қазақстан сапынан Роман Савченко мен Роман Старченко бәсекелес команда қақпасына бір-бір шайбадан салды.
Ал буллитте (матчтан кейін жеңімпазды анықтайтын ойын бөлігі) Қазақстан құрамасы швейцариялық ойыншылардан 3:2 есебімен басым түсті.
Қазақстан командасы енді 8 мамырда Ресей хоккейшілерімен кездеседі. Ресей құрамасы алғашқы ойында Чехия командасынан 0:2 есебімен жеңіліп қалды. А тобындағы тағы бір матчта Швеция буллит бойынша Латвияны жеңді.
Әр топтан үздік шыққан төрт команда ширек финалға өтеді.
Шайбалы хоккейден әлем чемпионаты 22 мамырда аяқталады.