Accessibility links

Азаттық тілшісін прокуратураға шақыртты


Азаттықтың Оңтүстік Қазақстан облысындағы тілшісі Дилара Исаға берілген прокуратура шақыртуының фотокөшірмесі. Шымкент, 18 мамыр 2016 жыл.

Азаттықтың Оңтүстік Қазақстан облысындағы тілшісі Дилара Исаға берілген прокуратура шақыртуының фотокөшірмесі. Шымкент, 18 мамыр 2016 жыл.

Азаттықтың Оңтүстік Қазақстан облысындағы тілшісі Дилара Исаны бүгін сағат 15-ке Еңбекші аудандық прокуратурасына шақыртты. Хатты өзін "учаскелік полиция инспекторы Еркін Балабаев" деп таныстырған полицей мен тағы бір полицей жеткізді.

Дилара Исаның үйіне әкеп табысталған, аудан прокуроры М.Сматовтың қолы қойылған шақыртуда Азаттық тілшісін "өзіне қатысты мәселе бойынша" шақыртылатынын айтылған. Хатты

Хатта прокуратураға бару міндетті екені, "егер талапқа бағынбай, себепсіз келмеген жағдайда еріксіз түрде алдырумен қатар әкімшілік және қылмыстық жауаптылық туындайтыны" ескертілген.

Дилара Исаның Шымкент қаласындағы үйіне бұған дейін, 17 мамыр түнгі 22.30 шамасында өздерін "Еңбекші аудандық учаскелік полиция инспекторларымыз" деп таныстырған екі адам келіп, ертең таңертең прокуратураға шақырылуы мүмкін екенін ескерткен еді.

Дилара Иса Оңтүстік Қазақстанда болған жер даулары мен үкіметтің жер реформасына наразы белсенділер туралы репортаждар әзірлеген. Соңғы күндері Қазақстанның бірнеше облысында 21 мамырда жер реформасына қарсы митингіге шығу ниетін жариялаған азаматтық белсенділер мен әлеуметтік желі қолданушылары жаппай тергеуге шақырылып жатыр.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

XS
SM
MD
LG