Accessibility links

Сот "Қазақстанның бірінші арнасына" қарсы шағымды қабылдады


"Қазақстанның бірінші арнасының" Қазақстандағы митингілер туралы хабарынан скриншот.

"Қазақстанның бірінші арнасының" Қазақстандағы митингілер туралы хабарынан скриншот.

Қарағандылық адвокат Нұржан Жұмабеков "Қазақстанның бірінші арнасы" ("Первый канал Казахстана") телеарнасына қарсы шағымын Алматы қаласы Бостандық аудандық соты қабылдағанын хабарлады. Бұл туралы заңгер Facebook-парақшасында жазды.

Азаматтық істер бойынша Бостандық аудандық сотының хабарлауынша, алғашқы сот отырысы мамырдың 30-ы күні күндізгі сағат 15.00-ге белгіленген. Істі судья Татьяна Черныш қарайды.

Бұған дейін адвокат Нұржан Жұмабеков "Қазақстанның бірінші арнасы" қарайтын "Еуразия+ОРТ" компаниясының үстінен шағым түсіріп, моральдық шығын ретінде 100 мың теңге талап еткен. Шағымға телеарнаның жүргізушісі Аймира Шаукентаеваның эфирде айтқан сөзі - жер мәселесі бойынша митингтерді өткізген адамдарға "ақша төленгені" туралы таратқан хабары себеп болған.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

XS
SM
MD
LG