Accessibility links

ҚМДБ: Ораза биыл 6 маусымда басталады


Қазақстан мұсылмандары діни басқармасы президиумының жиыны. Астана, 20 мамыр 2015 жыл. (Көрнекі сурет.)

Қазақстан мұсылмандары діни басқармасы президиумының жиыны. Астана, 20 мамыр 2015 жыл. (Көрнекі сурет.)

Қазақстанда биыл мұсылмандар ораза тұтуды 6 маусымнан бастап, 29 күн бойы ұстайды. Бұл туралы ақпарат Қазақстан мұсылмандары діни басқармасы (ҚМДБ) сайтында жарияланды. ҚМДБ биыл жан басына пітір-садақаны былтырғыдай 200 теңге (шамамен 0,6 доллар) мөлшерінде белгілеген.

Ораза ғибадаты - мұсылманға міндет етілген бес парыздың бірі. Ораза ұстаған мұсылманға таң атқаннан күн батқанға дейін ас-су ішуге болмайды және оразаны бұзатын өзге де нәрселерге тыйым салынады.

ҚМДБ-ның хабарлауынша, бейсенбі күні Алматыда өткен діни басқарма ғұламалар кеңесінің отырысында діни қызметшілер лауазымдарының біліктілік анықтамалығы мен біліктілік сипаттамасы туралы, сондай-ақ «тағам құрамындағы эмульгатордың үкімі» пәтуасы талқыланған.

XS
SM
MD
LG