Алматыда бүгін қуғын-сүргін және ашаршылық құрбандарын еске алу күні орталық Республика алаңында қауіпсіздік шаралары күшейтілді.
Азаттық тілшісінің хабарлауынша, алаңда полиция қызметкерлері мен көліктерінің қарасы көбейген. Алаңды қиып өтетін Сәтбаев пен Желтоқсан көшелерінің қиылысындағы 1986 жылғы желтоқсан оқиғасына арнап қойылған ескреткіштің айналасын полиция қоршаған.
Бүгін бұл ескерткіш маңында қала әкімдігінің ұйымдастыруымен саяси қуғын-сүргін және ашаршылық құрбандарын еске алуға арналған шаралар өткізілмек.
Бүгін Алматы облысының Жаңалық ауылында да қуғын-сүргін және ашаршылық құрбандарын еске алуға арнап ас беріліп, арнайы рәсім өткізілмек.
