Accessibility links

Джон Керри Моңғолияны «демократия оазисі» деп атады


Моңғолиядағы Шыңғысхан ескерткіші. (Көрнекі сурет.)

Моңғолиядағы Шыңғысхан ескерткіші. (Көрнекі сурет.)

Моңғолияға қысқа жұмыс сапарымен барған АҚШ мемлекеттік хатшысы Джон Керри бұл елді «демократия оазисі» деп атаған.

– Бір жағынан Ресеймен, екінші жағы - Қытаймен шектесесіздер. Сіздерге үнемі үлкен қысым жасалады, бірақ соған қарамастан демократиялық оазисте өз ерекшеліктеріңізді сақтап қалу үшін күресіп келесіздер, - деген ол.

Керри Франциядан Қытайға бара жатқан жолда Моңғолияға қысқа уақытқа аялдаған.

Керри бұл сапарында Моңғолия президенті Цахиагийн Элбэгдоржбен кездесіп, АҚШ-тың халықаралық даму жөніндегі агенттігі (USAID) бағдарламасын бастау рәсіміне қатысқан.

АҚШ үкіметі Моңғолиямен әріптестік қарым-қатынасты дамытуға мүдделілік танытып келеді. Америкалық ресмилер СССР тарағаннан бергі ширек ғасыр ішінде үш миллиондай тұрғыны бар Моңғолияның демократиялық даму жолына түскенін үнемі айтып жүр деп хабарлайды Reuters.

XS
SM
MD
LG