Accessibility links

Ресей Сарышағанда зымыраннан қорғаныс кешенін сынады


Көрнекі сурет.

Көрнекі сурет.

Ресей әуе-ғарыштық күштері мен әуе және зымыраннан қорғаныс күштері Қазақстанның Сарышаған полигонында жақын қашықтыққа арналған зымыраннан қорғаныс жүйесін сынақтан өткізді. Сынақ 21 маусым күні Астана уақыты бойынша сағат 10-да болған.

Ресей әуе және зымыра шабуылынан қорғаныс күштерінің қолбасшысы, әуе-ғарыш күштері бас қолбасшысының орынбасары Виктор Гуменныйдың айтуынша, зымыраннан қорғаныс жүйесі "тапсырманы сәтті орындап, шартты нысанды белгіленген мерзімде атып түсірген".

Ресей қорғаныс министрлігі ресейлік зымыраннан қорғаныс жүйесі зымыран-ядролық соққы жасау ықтималдығы қаупін сейілтуге, оның ішінде соққының бағытын "анықтауға" мүмкіндік береді дейді.

21 маусымда Ресей президенті Владимир Путин Мәскеу АҚШ-тың Еуропада зымыраннан қорғаныс жүйесін дамытуына жауап беруге "мәжбүр болатынын" мәлімдеген. Ол Ресей 2000 жылдардың басында-ақ зымыранға қарсы жүйені орналастыруға жауап ретінде шабуылдаушы техникаларды дамытатынын ескерткенін айтты.

Сарышағанда зымыраннан қорғаныс жүйесі соңғы рет 2015 жылы маусымда сыналған.

AzattyqTV

Беларусь аймақтары

«Ашулы белорус» марштары

Аудиоподкаст

XS
SM
MD
LG