Accessibility links

Grand Slam жарыстарының санатына енетін Wimbledon жарысының жеребесі тартылды.

Қазақстанның бірінші ракеткасы Юлия Путинцева (әлемдік рейтингте 38-орында) алғашқы айналымда ресейлік Марина Мельниковамен (195) кездеседі.

Ал Ярослава Шведова (95) бірінші айналымда германиялық Юлия Гергеспен (78) кортқа шықса, Зарина Дияс (99) тағы бір германиялық Анна-Лена Фридзаммен (58) ойнайды.

Ерлер арасындағы сынға Қазақстаннан жалғыз қатысатын Михаил Кукушкин (56) алғашқы кездесуін словакиялық Мартин Клижанмен (47) өткізеді.

Теннис турнирі 27 маусым - 10 шілде арасында Лондонда өтеді. Былтыр бұл жарысты әйелдер арасында америкалық Серена Уильямс, ерлер арасында сербиялық Новак Джокович жеңіске жеткен.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG