Accessibility links

Қазақстандық үш ауыр атлет спорттан шеттетілді


Алмас Өтешов (сол жақта) пен Жасұлан Қыдырбаев (оң жақта) Хьюстонда тұғырда тұр.

Алмас Өтешов (сол жақта) пен Жасұлан Қыдырбаев (оң жақта) Хьюстонда тұғырда тұр.

Халықаралық ауыр атлетика федерациясы (IWF) допинг қолданғаны үшін қазақстандық ауыр атлеттер Жасұлан Қыдырбаевты сегіз, Алмас Өтешов пен Ермек Өміртайды - төрт жылға спорттан шеттеді.

Қыдырбаев енді тек 2023 жылы, ал Өтешов пен Өміртай 2019 жылы жарысқа оралуға құқылы. Қыдырбаев осыған дейін бір рет допингпен ұсталып, жарыстан шеттетілген. Сондықтан ол "екінші рет допинг қолданды" деген айыппен сегіз жылға шеттету жазасын алып отыр.

Халықаралық ауыр атлетика федерациясы 2015 жылы Хьюстонда өткен әлем чемпионаты кезінде қазақстандық Алмас Өтешов пен Жасұлан Қыдырбаев және Ермек Өміртайдың қанынан допинг табылғанын мәлімдеген.

Хьюстондағы әлем чемпионатында Алмас Өтешов күміс, Жасұлан Қыдырбаев - қола медаль алған. Екеуінен де жүлделері қайтарылып алынады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG