Accessibility links

Қарағанды: "теракт жасайтын адамның" өзін жарғаны хабарланды


Қарағанды облысының аумақтық картасы.

Қарағанды облысының аумақтық картасы.

Қарағанды облысында "қолдан жасалған жарылғыш құрылғыны қолданып террористік әрекет жасамақ болды" делінген топ ұсталды.

Қазақстан Ұлттық қауіпсіздік комитетінің (ҰҚК) хабарлауынша, оқиға 26 маусымда болған. Олардың бірі ұстау кезінде өзін-өзі жарып жіберген. Басқа құрбан болғандар мен зардап шеккендер жоқ.

Бұл топ Қарағанды облысындағы Балқаш қаласында және Гүлшат елді мекенінде қолға түскен. Гүлшаттағы "радикалды топты" ұстау барысында олардың бірі өзін-өзі жарып, жарақаты салдарынан өлген.

«Топтың басқа мүшелері ұсталды. Жарылғыш құрылғыcының бөлшектері, атыс қаруы және өзге де заттай айғақтар тәркіленді. Аталған факті бойынша сотқа дейінгі тергеу басталды. Тергеу іс-шаралары жалғасуда» делінген ҰҚК таратқан баспасөз хабарламасында.

Топ мүшелерінің саны қанша болғаны әзірге айтылмайды.

  • 16x9 Image

    Мәншүк АСАУТАЙ

    1980 жылы туған. Е.Бөкетов атындағы Қарағанды мемлекеттік университетін бітірген.

    Қарағанды қаласындағы жергілікті телеарнада қызмет еткен. 2004 жылдан бері Азаттықтың тілшісі. 

    Автормен оның Facebook парақшасында да пікірлесуге болады.

XS
SM
MD
LG