Қазақстан президенті Нұрсұлтан Назарбаев бүгін Астанада тұрып бірнеше облыстағы кәсіпорындарды іске қосты деп хабарлайды ресми ақпраат құралдары.
Астанада бүгін мемлекеттік индустриаландыру бағдарламасының биылғы алғашқы жарты жылда іске асу қорытындысына арналған жиын өтіп жатыр. Осы жиын кезінде Назарбаев телебайланыс арқылы бірнеше кәсіпорынды "іске қосты". Ол кәсіпорындар арасында Алматыдағы май зауыты мен теміржол біліктері және доңғалақ жасау зауыты, Павлодар облысындағы голландиялық раушан гүлін өсіретін жылыжай кешені бар.
ҚазАқпараттың хабарлауынша, Назарбаев Қазақстанда теміржол доңғалағын жасайтын ауыт алғаш ашылып отырғанын айтқан.
Президент баспасөз қызметінің Twitter-дегі парақшасында хабарлауынша, Назарбаев шағын несие беру бағдарламасын кеңейту қажетін де мәлімдеген.