Accessibility links

Мәсімов Моңғолияға сапарлап барды


Қазақстан премьер-министрі Кәрім Мәсімов.

Қазақстан премьер-министрі Кәрім Мәсімов.

Қазақстан премьер-министрі Кәрім Мәсімов Еуропа және Азия елдері саммитіне қатысу үшін Моңғолияға барды деп хабарлайды үкіметтің ресми сайты.

Ресми ақпарат бойынша, Мәсімов Улаан-Баторға барар жолда этникалық қазақтар шоғырланған Баян-Өлгий қаласына барып, бірқатар кездесу өткізеді.

Сапар барысында Мәсімов жергілікті қазақ диаспорасымен кездесіп, мұражайға және драма театрына, Өлгийдегі орта мектепке барады деп жоспарланған.

10 шілдеде Баян-Өлгий қаласында су тасқыны жүріп, 100-ден аса үй қираған. 700-дей адам баспанасыз қалды. Ресми дерек бойынша апаттан бір бала қайтыс болған.

13 шілдеде Мәсімов Қазақстан Баян-Өлгийдегі селден зардап шеккен отбасыларға гуманитарлық көмек көрсететінін және мұны президент Нұрсұлтан Назарбаев тапсырғанын хабарлаған.

Баян-Өлгийде 90 мыңға тарта халықтың 88,7 пайызы - этникалық қазақтар.

XS
SM
MD
LG