Accessibility links

Қазақстан FIFA рейтингінде жүздікке енді


Футболдан Қазақстан құрамасы.

Футболдан Қазақстан құрамасы.

FIFA (Халықаралық футбол федерациялары ассоциациясы) жариялаған шілде айының рейтингісінде Қазақстан 15 саты жоғарылап, 97-орынға көтерілді.

Өткен айда 112-орында тұрған Қазақстан құрамасы 7 маусымда Қытаймен өткен жолдастық матчта 1:0 есебімен жеңіске жеткен. Осы нәтиже үшін FIFA Қазақстанға 47 ұпай берген.

Қазақстан FIFA рейтингінде үздік жүздікке соңғы рет 2001 жылы (98-орын) енген.

Биылғы Еуропа чемпионатында жеңіске жеткен Португалия 8-орыннан 6-орынға, финалға шыққан Франция 17-орыннан 7-орынға шықты. Ал Ресей 29-орыннан 38-орынға, Украина 19-орыннан 30-орынға төмендеді.

Келесі рейтинг 11 тамызда жарияланады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG