Accessibility links

"Шабуылға күдіктілерді жасырған" ақтөбелік тұрғын екі айға қамалды


«Қарулы шабуылға күдіктілер» жасырынған бесқабатты тұрғын үй. Ақтөбе, 12 маусым 2016 жыл. (Көрнекі сурет.)

«Қарулы шабуылға күдіктілер» жасырынған бесқабатты тұрғын үй. Ақтөбе, 12 маусым 2016 жыл. (Көрнекі сурет.)

Ақтөбе қаласының 2-соты маусымдағы шабуылға байланысты іздеуде болған үш адамды жасырған деген күдікке ілінген жергілікті тұрғын Мирлан Ердауовты қыркүйектің 20-сына дейін қамауға алуға санкция берген. Бұл туралы «Интерфакс-Казахстан» хабарлады.

Сот материалдары бойынша, 22 жастағы Ердауов Ақтөбеде 5 маусымдағы қарулы шабуылдарға байланысты іздеу жарияланған Дмитрий Таңатаров, Арман Айтуған және Нұрлан Сейіловтер жасырынған пәтерді оларға тауып берген деген күдікке ілініп отыр.

2016 жылы маусымның 5-і күні Ақтөбеде белгісіз адамдар екі қару-жарақ дүкеніне және ұлттық гвардияның әскери бөліміне шабуылдаған. Ресми мәлімет бойынша, шабуыл мен атыстан 7 адам (үшеуі - әскери) қаза тапқан. Бірнеше күнге жалғасқан арнайы операцияда шабуылға күдікті делінген 18 адамның көзі жойылып, тағы бірнеше адамның ұсталғаны хабарланған.

XS
SM
MD
LG