Accessibility links

Ақтөбе облысында кен тиелген 22 вагон темір жолдан шығып кеткен


Көрнекі сурет.

Көрнекі сурет.

Ақтөбе облысында кен тиелген 22 вагон темір жолдан шығып кеткен. «Қазақстан темір жолы» ұлттық компаниясы баспасөз қызметінің хабарлауынша, төтенше оқиға бүгін түнде болған.

«Шілденің 31-і күні 02 сағат 10 минутта Ақтөбе темір жол бөлімшесінің Никельтау-Әйтеке би жалғыз табанды жол учаскесіндегі Жоса-Құдықсай жолында кен тиелген 22 вагон жолдан шығып кетті. Вагондардың барлығы қазақстандық «Транском» жауапкершілігі шектеулі серіктестінің меншігі. Зардап шеккендер жоқ» делінген хабарламада.

Төтенше оқиға кесірінен «Астана-Атырау» және «Астана-Ақтөбе» бағытындағы жолаушылар поездары өз уақытынан кешіккен.

Жүк вагондарының темір жолдан шығып кетуінің себебін анықтау үшін арнайы комиссиясы құрылған.

XS
SM
MD
LG