Accessibility links

Оңтүстік Қазақстан облысында 2016 жылдың алты айында 157 әйел өз-өзіне қол салмақ болған деп хабарлады Азаттыққа облыстық ішкі істер департаменті жергілікті полиция қызметінің аға инспекторы Алма Серғазиева.

Оның айтуынша, полиция қызметкерлері әйелдер жасаған суицид оқиғаларына талдау жүргізген. Өз-өзіне қол салмақ болған 120 әйел тірі қалған, 37 оқиға қайғылы аяқталған дейді ол.

- Талдау нәтижесінде суицид жасаудың негізгі себептері анықталып отыр. Алғашқы себептері ретінде жүйкесі жұқару, жалғыздық, экономикалық және қаржылық қиындықтар мен жұмыссыздықты атай аламыз, - дейді аға инспектор.

Алма Серғазиев әйелдер арасында суицидтің ең көп таралған түрлері өз-өзін асу, өз-өзін тұншықтыру, тамырын кесу, биік ғимараттардан секіру, өз-өзін өрттеу, сірке суы мен психотроптық және күшті әсер ететін заттарымен улану екенін айтады.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

XS
SM
MD
LG