Accessibility links

Алматы облысы: Сот мұғалімнің мектеп директорына шағымын қарай бастады


Айман Сағидуллаева, мұғалім. Сурет автордың жеке парақшасынан алынды.

Айман Сағидуллаева, мұғалім. Сурет автордың жеке парақшасынан алынды.

Алматы облысының Қарасай аудандық сотында Жаңатұрмыс ауылдық мектебінің мұғалімі Айман Сағидуллаеваның мектеп директоры үстінен берген шағымы бойынша сот отырысы басталды.

Айман Сағидуллаева мектеп директоры Бекжан Нүсіпбекованың өзіне "әдеп сақтамағаны үшін" берген ескертуімен келіспей, сотқа шағымданған. Ескерту "2016 жылы мамырдың 19-ы күні мектеп аясында Райымбек округінің ақсақалдар кеңесі мүшелерінің кезектен тыс кездесуі барысында педагогикалық әдеп қағидаларын сақтамағаны үшін» берілген.

Сотта сөйлеген Айман Сағидуллаева ескертудің өзіне кеш, құжатта көрсетілгеннен 13 күннен кейін табысталғанын, ақсақалдар кеңесінің мектеп жұмысына қатысы жоғын айтты. Ол осыған байланысты ескертуді заңсыз деп санайтынын айтып, оның күшін жоюды сұрайды.

Ал мектеп директоры "ескерту педагогикалық кеңес жиынында жарияланып, оны Сағидуллаеваның өзі де естігенін" айтты.

Сот тараптардың бір-бірінің дәлел, уәждерін тыңдап, қарау үшін отырысты 26 тамызға қалдырды.

Айман Сағидуллаева бұған дейін Азаттыққа өзінің «өткен жылы мұғалімдер мұңын көтергеніне байланысты биыл қысым көріп жатқанын, оған енді ауданның ақсақалдар кеңесі араласқанын» айтқан.

  • 16x9 Image

    Асылхан МАМАШҰЛЫ

    1973 жылы 22 сәуірде дүниеге келген. 1994 жылы Қорқыт ата атындағы Қызылорда пединститутын бітірген. 1997-2000 жылдары әл-Фараби атындағы Қазақ ұлттық университетінің аспирантурасында оқыған. "Қазақ энциклопедиясы" баспасында (2001-2007), республикалық "Ана тілі" газетінде (2007-2009) , "ABDI-press" орталығында (2009-2010) жұмыс істеген. 2011 жылдан Азаттық радиосының тілшісі.

    Тарихи, саяси мәселелер тақырыбында жазады, белгілі тұлғалардың саяси портреттерін жасайды. Автормен оның Facebook парақшасында да пікірлесуіңізге болады.

XS
SM
MD
LG