Accessibility links

Шахматтан әлем чемпионы Асаубаева Ресей атынан жарыстарға қатысады


Бибісара Асаубаева.

Бибісара Асаубаева.

Шахматтан жасөспірімдер арасында төрт дүркін әлем чемпионы, халықаралық жарыстардың жеңімпазы 12 жасар Бибісара Асаубаева Ресей атынан жарыстарға қатысады. Бұл ақпаратты Азаттыққа анасы Лиана Таңжарықова айтты.

Оның айтуынша, Бибісара Асаубаева енді Мәскеу облысы шахмат федерациясы атынан жарыстарға барады. Шахматшының анасы Азаттық тілшісіне қазір шетелде жүргенін, Асаубаеваның не үшін Ресейге кеткені жайлы елге келген соң толық айтып беретінін мәлімдеді.

Бұл ақпаратты Мәскеу облыстық шахмат федерациясы да растап, ресми сайтында "федерация президенті Сергей Нестеровтың шақыртуымен Бибісара Асаубаев Қазақстаннан Ресей шахмат федерациясына ауысқанын" хабарлады.

Бибісара Асаубаева Тараз қаласында туған. Ол осыған дейін халықаралық жарыстарға Қазақстан атынан қатысып келген. Жас шахматшы Румыния (2008 жылы), Бразилия (2010), Польша (2011) және Грекияда (2013) өткен жасөспірімдер арасындағы әлем чемпионаттарында алтын алған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG