Accessibility links

Алматыда бір отбасыны пәтерінен күштеп шығарды


Ақкент шағынауданындағы үйлердің бірінің алдында тұрған пәтер заттары. 26 тамыз 2016 жыл (Көрнекі сурет).

Ақкент шағынауданындағы үйлердің бірінің алдында тұрған пәтер заттары. 26 тамыз 2016 жыл (Көрнекі сурет).

Бүгін Алматының "Ақкент" шағынауданының бір отбасын банк талабы бойынша пәтерінен күштеп шығарды.

Азаттық тілшісіне тұрғындардың хабарлауынша, 57-үй 50-пәтердің тұрғыны Байсымақова Нұргүлдің отбасын сот орындаушылары сот шешімі бойынша үйінен шығарды. Байсымақова Түркиялық "Айт Хаузинг Комплекс" компаниясынан несиеге алған пәтерінің қарызын төлей алмаған соң, қарызын азайтуды, кейін қайтаруға мұрсат беруді сұраған. Бірақ компания қалған қарызды төлетпей пәтерді қайтартуды сұрап сотқа жүгінген. Сот компанияның пайдасына Байсымақова пәтерді босатсын деген шешім шығарған.

Түстен кейін "Ақкент" кешенінің тағы бір тұрғыны Әлия Рахимбаеваның отбасын да пәтерінен шығарады делінген. Бірақ ол үйге сот орындаушылары келмей қалды.

Ақкент шағын ауданындағы үйлерден бұған дейін де қарызын төлей алмаған бірнеше отбасы сот шешімімен үйлерінен шығарылған.

  • 16x9 Image

    Асылхан МАМАШҰЛЫ

    1973 жылы 22 сәуірде дүниеге келген. 1994 жылы Қорқыт ата атындағы Қызылорда пединститутын бітірген. 1997-2000 жылдары әл-Фараби атындағы Қазақ ұлттық университетінің аспирантурасында оқыған. "Қазақ энциклопедиясы" баспасында (2001-2007), республикалық "Ана тілі" газетінде (2007-2009) , "ABDI-press" орталығында (2009-2010) жұмыс істеген. 2011 жылдан Азаттық радиосының тілшісі.

    Тарихи, саяси мәселелер тақырыбында жазады, белгілі тұлғалардың саяси портреттерін жасайды. Автормен оның Facebook парақшасында да пікірлесуіңізге болады.

XS
SM
MD
LG