Accessibility links

Қазақстандық теннисші, әлемнің 52-ракеткасы Ярослава Шведова АҚШ-та өтіп жатқан US Open турнирінің төртінші айналымына шықты. Ол үшінші кезеңде қытайлық Чжан Шуайды (рейтингте 51-орын) 6:2, 7:5 есебімен жеңді. Матч шамамен бір жарым сағатқа созылды.

Шведова алғашқы екі кездесуде Лара Арруабаррена-Весино (Испания) мен Ван Цяннан (Қытай) басым түскен. Қазақстан теннисшісі төртінші кезеңде әлемнің бірінші ракеткасы Серена Уильямспен (АҚШ) кездеседі.

Шведова биыл Лондонда өткен Wimbledon жарысының ширек финалына дейін жетіп, осы кезеңде Винус Уильямстан (АҚШ) жеңілген.

US Open мен Wimbledon теннистен өтетін ең ірі Grand Slam жарыстарының қатарына енеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG