Accessibility links

Аймақтардың біріндегі сайлауда Меркель партиясы 3-орын алды


Ангела Меркель, Германия канцлері.

Ангела Меркель, Германия канцлері.

Германия канцлері Ангела Меркельдің консервативтік Христиан-демократиялық одағы (ХДО) Мекленбург-Алдыңғы Померания федералдық округінің парламентіне сайлауда үшінші орын алды. ХДО солшыл социал-демократтардан және мигранттарға қарсы "Германияға альтернатива" партиясынан қалып қойды.

Сайлауда социал-демократтар 30,5 пайыз, "Германияға альтернатива" 21 пайыз, Христиан-демократиялық одағы 19 пайыз дауыс жинаған.

"Германияға альтернатива" басшысы Лейф-Эрик Хольм сайлау қорытындысын "мақтаныш нәтижесі" деп атады. Ол "Мұндағы ең тамаша нәрсе - біз Меркельдің Христиан-демократиялық одағын артта қалдырдық... Бәлкім, бұл Меркельдің канцлер қызметінің аяқталуының басы болар" деді.

Германиялық ақпарат құралдарының хабарлауынша, бұл - христиан-демократтардың осы федералдық округтегі сайлауларда жинаған ең аз дауыс.

Бұл дауыс беру 2017 жылы өтетін парламент сайлауы алдындағы дайындық ретінде қарастырылып отыр. Мекленбург-Алдыңғы Помераниядағы сайлау Германияның жүздеген мың босқынға шекарасын ашқанынан тура бір жылдан соң өтті. Алғашында Меркельдің саясаты үлкен қолдауға ие болған. Бірақ одан бері қоғамдық көңіл-күй өзгерді. Қоғамда Еуропадағы экономикалық ең қуатты елдің босып келген бір миллионнан артық адамды қабылдау мүмкіндігіне қауіп арта түсті.

Германияның солтүстік-шығысында теңіз жағасында орналасқан Мекленбург-Алдыңғы Померания - Меркельдің туған аймағы. Мұнда 1,3 миллион ғана адамның дауыс беру құқығы бар. Бұл федералдық округ Германияның ең кедей және халық аз қоныстанған аймағы саналады.

AzattyqTV

Қырғызстан

Саматтың арманы

Аудиоподкаст

XS
SM
MD
LG