Accessibility links

АҚШ конгресі мүшелері Ресейді АҚШ-тағы сайлауға ықпал етпекші деп айыптады


АҚШ конгресі сенатына Калифорния штатынан сайланған Дайана Фейнштейн.

АҚШ демократиялық партиясының көрнекті өкілдері, АҚШ конгресі барлау комитеттерінің мүшелері Ресейді компьютерлік желілерді бұзу арқылы қарашаның 8-і күні өтетін АҚШ президенті сайлауына ықпал етуге әрекет жасап отыр деп айыптады. Сонымен бірге олар Ресей президенті Владимир Путинді «ондай іс-әрекетті доғаруды тапсыруға» шақырған.

АҚШ сенаторы Дайана Фейнштейн мен өкілдері палатасының мүшесі Адам Шифф мәлімдемесінде қолда бар мәліметтерге сүйеніп, ресейлік барлау қызметтері «АҚШ-тағы сайлауға ықпал етуге шындап, дәйекті түрде талпынып отыр» деген қорытынды жасағаны жайлы айтқан.

Олардың пікірінше, ресейлік барлау қызметтеріне әлгіндей іс-әрекет жүргізу туралы тапсырма тек «жоғары тұрған ресейлік үкімет» тарапынан ғана берілуі мүмкін.

Ресей тарапы әзірше бұл мәлімдемеге қатысты ресми пікір білдірген жоқ.

AzattyqTV

XS
SM
MD
LG