Accessibility links

Дональд Туск Балкандағы заңсыз мигранттар жолын жабуға шақырды


Дональд Туск.

Дональд Туск.

Еуропа кеңесінің басшысы Дональд Туск Балкан арқылы өтетін заңсыз мигранттар маршрутын толық жабуға шақырды.

Сенбі күні Венада көші-қон мәселесі бойынша халықаралық кездесу басталар алдында сөйлеген сөзінде Туск Еуропа Одағының сыртқы шекарасындағы бақылауды Балкандағы серіктес елдер және Түркиямен бірлесе отырып қайта қалпына келтіруге шақырған.

Еурокомиссияның көші-қон мәселелері жөніндегі мүшесі Димитрис Аврамопулос, өз кезегінде, Еуропа Одағының барлық шешімдері гуманизм және адамның ар-намысын құрметтеу принциптеріне негізделуін талап етіп, еуропалық елдердің ортақ көші-қон саясатын ұстануға құлықсыздығын сынаған.

Венадағы саммитке Еуропа Одағының бірнеше елі мен одаққа кірмейтін балкан мемлекеттері қатысып отыр.

Бұның алдында көші-қон мәселелері бойынша ақпанда өткен саммитке қатысушылар заңсыз мигранттардың Грекия арқылы Германия мен Австрияға өтетін жолын жабу туралы шешім қабылдаған. Кездесуге келмеген бұл елдердің басшылары қабылданған шараға наразы болған: Грекияның солтүстігінде мыңдаған босқын қалып отыр, оның үстіне Берлин шекараны жабу көші-қон дағдарысын реттеуге көмектеспейтінін тағы да мәлімдеген.

XS
SM
MD
LG