Accessibility links

Ауыр атлет Уланов Рио олимпиадасының қоласын алады


Денис Уланов Рио олимпиадасында

Денис Уланов Рио олимпиадасында

Ауыр атлетикадан 85 килограмда Рио олимпиадасына төртінші орын алған қазақстандық Денис Уланов енді қола медаль иеленеді.

Бұл туралы Халықаралық ауыр атлетика федерациясының (IWF) бүгін жарияланған ресми журналында хабарланды. Федерацияның мәлімдеуінше, олимпиада кезінде қола медаль алған румыниялық Габриэль Синкраянның нәтижесі жойылып, ол жарыстардан шеттетілген. Бұған дейін румыниялық басылымдар Синкарянның олимпиада кезінде тапсырған сынамасынан допинг табылғанын хабарлаған.

Рио олимпиадасында Синкарян мен Уланов 390 килограмм көтерген еді. Бірақ Улановтың салмағы қарсыласынан ауырлау болғаны үшін төртінші орынмен шектелген.

Биылғы олимпиадада Қазақстан үш алтын, бес күміс, тоғыз қоламен 12-орын алған. Улановтың қола медалі Қазақстан үшін Рио олимпиадасының 18-медалі болмақ.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG