Accessibility links

Шымкентте бензин қымбаттады


Жанар-жағармай бекеттерінің біріндегі баға. Шымкент, 14 қазан 2016 жыл.

Жанар-жағармай бекеттерінің біріндегі баға. Шымкент, 14 қазан 2016 жыл.

Бүгін Шымкенттегі жанар-жағармай бекеттерінде АИ-92 маркалы бензиннің бағасы 2-5 теңгеге қымбаттады.

Қаладағы алты жанар-жағармай бекетіне барған Азаттық тілшісі литрі 125 теңгеден сатылып келген АИ-92 маркалы бензиннің бағасы 127-130 теңгеге жеткенін көрді.

Sinooil жанар-жағармай бекеті қызметкерінің айтуынша, бензин бағасы бүгін таңертеңнен бері құбылып, түстен кейін нақты бағасы қойылған.

Шымкенттік көлік жүргізушілер қалада жанар-жағармайкешеден бері қымбаттағанын айтады.

«Кеше жанар-жағармай бекеттерінен жүргізушілер солярка таппай қиналды. Қымбат. Жоқ. Енді бүгін АИ-92 бензин 5 теңгеге қымбаттап, 130 теңгеге бір-ақ көтерілді» аты-жөнін айтқысы келмеген азамат.

«Жанар-жағармай ассоциациясы» қауымдастығының төрағасы Қайысбек Қамбаров өңірдегі бензин бағасы қымбаттауын Шымкенттегі бензин шығаратын зауытта жоспарлы жөндеу жүріп жатқанымен түсіндіреді.

«Қазақстандағы қалған екі зауыт республиканы жанар-жағармаймен толық қамтамасыз ете алмай, соны салдарынан жетіспеушілік болып, баға өсіп жатыр. Қазір Шымкентке жанар-жағармай Атырау мен Павлодардан тасымалданып жатыр. Жол шығынына байланысты баға көтерілді» дейді ол.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

XS
SM
MD
LG