Accessibility links

Көкшетауда терроризмге қарсы жаттығу өтіп жатыр


Ақмола облысының аумақтық картасы (Көрнекі сурет).

Ақмола облысының аумақтық картасы (Көрнекі сурет).

Көкшетауда бүгін антитеррорлық жаттығу өтіп жатыр деп хабарлайды ҚазАқпарат агенттігі.

Ақмола облыстық терроризммен күрес жөніндегі жедел штаб ақпаратына қарағанда, "Көкше - Антитеррор 2016" деп аталатын жаттығудың міндеті - арнайы күштер мен құралдардың терроризмге қарсы операция жүргізуге үнемі дайын болуын қамтамасыз ету.

Жаттығуда ведомствоаралық террорға қарсы шараларды пысықтау, терроризммен күрес жедел штабы мүшелері мен жедел топ басшыларының іс-қимылын үйлестіру, терроризмге қарсы операциялар жүргізудің әдіс-тәсілдерін жетілдіру мақсат етілген.

Терроризммен күрес жедел штабы қала тұрғындарын жаттығуға және онымен байланысты туындауы мүмкін уақытша қолайсыздыққа түсіністікпен қарауды сұрайды.

Қазақстанда маусым айында Ақтөбедегі қарулы шабуылдардан соң террористік қауіп-қатердің "сары деңгейі" жарияланғаннан бері ірі қалаларда терроризмге қарсы жаттығулар жиі өткізіле бастады. Бұған дейін мұндай жаттығулар Астана, Алматы, Ақтөбеде өткізілген.

XS
SM
MD
LG