Қазақстан президенті Нұрсұлтан Назарбаев бүгін ресми сапармен Жапонияға барды. Дүйсенбі күні ол Жапония премьер-министрі Синдзо Абэмен, жапон императоры Акихитомен кездеспекші.
Қазақстан президенті жапон парламенті мен «Токай» университетінде сөз сөйлейді деп жоспарланған.
Сонымен бірге дүйсенбі күні Токиода бизнес-форум өтпекші. Ал сапарының соңғы күні, қарашаның 9-ында Назарбаев Хиросима қаласында болып, ядролық қарудан бас тарту қажеттігі туралы сөз сөйлемекші.
Бұдан бір жыл бұрын жапон премьер-министрі Синдзо Абэ Орталық Азия елдеріне сапары барысында Қазақстанда болып қайтқан.
