Accessibility links

"Ақтөбе" директорының ұсталғаны хабарланды


"Ақтөбе" футбол командасының директоры Дмитрий Васильев (Сурет ҚФФ сайтынан алынды).

"Ақтөбе" футбол командасының директоры Дмитрий Васильев (Сурет ҚФФ сайтынан алынды).

8 қарашада Қазақстанның Мемлекеттік қызмет істері министрлігіне қарасты Сыбайлас жемқорлыққа қарсы іс-қимыл ұлттық бюросы "Ақтөбе" футбол командасының директоры Дмитрий Васильев ұсталғанын хабарлады.

Ұлттық бюроның вебсайтындағы мәлімдеме бойынша "Васильев сыйақыларды заңсыз төлеу жолымен бюджеттен 300 миллион теңгені ұрлаған".

"Футболдан Қазақстан чемпионатының бірінші кезеңі қорытындысы бойынша "Ақтөбе" командасының үздік алтылыққа енгені үшін футболшылары мен жаттықтырушыларға 69 миллион теңге көлемінде заңсыз сыйақы берілген. Бұл соманың 15 миллион теңгесін Васильев өзі алған" деп жазылған Ұлттық бюроның хабарламасында.

Васильев Қазақстанға Ресейден келген. Ол бұған дейін "Жетісу" командасында директоры қызметін, Қазақстан футбол федерациясында бас менеджер қызметін атқарған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG