Accessibility links

Оралда фастфуд кафесінен тамақтанған 18 адам уланды


Оралдағы дауға қалған "Burger street+" кафесі. 10 қараша 2016 жыл.

Оралдағы дауға қалған "Burger street+" кафесі. 10 қараша 2016 жыл.

Батыс Қазақстан облыстық денсаулық сақтау басқармасы баспасөз қызметінің хабарлауынша, 9 және10 қараша күндері 18 адам астан улану белгісімен инфекциялық ауруханаға түскен. Олардың арасында кәмелетке толмаған 8 және 17 жастағы екі бала бар. Аураханаға түскендердің жағдайы орташа ауыр деп бағаланып отыр. Дәрігерлер оларға "асқынған гастроэнтероколит" деген диагноз қойған. Науқастардың астан уланбас бұрын Оралдың 6-шағынауданында орналасқан "Burger street+" кафесінен бургер жегені анықталды.

Орал қалалық тұтынушылар құқығын қорғау басқармасының басшысы Мәдениет Танауовтың мәліметінше, басқарма мамандары тамақтану орнынан тамақтардың шайындысы мен сынамаларын зертханалық тексеруге алып, онда жұмыс істейтін қызметкерлерді тексерген.

Орал қаласының прокуроры Айдын Рашидовтың Азаттыққа айтуына қарағанда, бұл оқиға бойынша "санитарлық ережелерді немесе гигиеналық талаптарды орындамай, абайсызда жаппай сырқат тудыру немесе адамдардың улануына әкеліп соқтыру" айыбы бойынша қылмыстық іс қозғалған.

Тамақтану орнының иелерінен бұған қатысты комментарий алу мүмкін болмады. Кафенің есігі жабық тұр.

  • 16x9 Image

    Санат ОРЫН ӘЛИ

    Санат 2014 жылы қарашада Азаттықтың Батыс Қазақстандағы тілшісі ретінде қызметке кірісті. 2005 жылы Батыс Қазақстан мемлекеттік университетінің филология факультетін бітірген. Қызмет жолын "Уральская газета" басылымында бастаған. 2006-2014 жылдары Алматы мен Астанадағы түрлі БАҚ-тарда жарияланып тұрған.

XS
SM
MD
LG