Қазақстандық теннисші Арсан Арашов қанынан алынған сынамада тыйым салынған мельдоний препараты табылған соң екі жылға спорттан шеттетілді. Халықаралық теннис федерациясының мәлімдеуінше, 17 жастағы Арашов былтыр Испанияда өткен турнирде допингтік тексеруден өте алмаған.
Теннисшінің жарыстардан шеттетілу мерзімі 2016 жылдың 30 қыркүйегінен есептеледі. Мельдоний препараты бұған дейін әлемнің бұрынғы бірінші ракеткасы, ресейлік Мария Шараповадан табылған. Ол да екі жылға жарыстардан шеттетіліп, апелляция арқылы ол мерзімі 15 айға дейін азайтылған. Шарапова спортқа 26 сәуірде Штутгартта өтетін жарыс кезінде оралуы тиіс.
