Accessibility links

БҰҰ Лоран Гбагбоға қарсы санкцияны мақұлдады


Кот д'Ивуардың бұрынғы президенті Лоран Гбагбо мен оның жақын серіктеріне қарсы санкцияны мақұлдаған БҰҰ қауіпсіздік кеңесі тағы да Гбагбоны биліктен дереу кетуге шақырды.

Бұл санкцияларға сәйкес Лоран Гбагбоның өзіне, әйеліне және маңайындағы адамдарға виза беруге және олардың дүние-мүліктерге иелік жасауына тыйым салынады.

Халықаралық қауымдастық Кот-д'Ивуарда былтыр қарашада өткен президент сайлауында Алассан Уаттараның жеңіске жеткенін мойындағанымен, елді он жылдан бері басқарып келе жатқан Лоран Гбагбо биліктен кетуден бас тартып отыр.

Уаттараны жақтайтын қарулы топтар сәрсенбі күні ел астанасы Ямусукро қаласына енді. Енді олар Гбагбоның бақылауындағы оңтүстіктегі аудандарға барғалы отыр.

AzattyqTV

XS
SM
MD
LG