Шығанақтағы араб министрлері Иранға қатысты кездесу өткізді

Жексенбі күні араб министрлері Сауд Арабия астанасында кездесіп, аймақтағы шерулерге Иранның араласып отырғанын талқылады.

Иран мен оның көршілері арасындағы қарым-қатынас соңғы апталарда араб елдеріндегі наразылықтарға қатысты шиеленісіп отыр. Тегеран Бахрейн, Кувейт және Сауд Арабия елдеріндегі кейбір монархиялық билікке қарсы шерулерді қолдап отыр.

Сенбі күні Парсы шығанағы ынтымақтастығы кеңесінің бас хатшысы Абдуллатиф әл-Заяни Иран аймақтағы қауіпсіздік пен тұрақтылыққа қауіп төндіріп тұр деді.