Accessibility links

Минскідегі шабуылға қатысты күдіктілер тұтқындалды


Беларусь прокурорларының айтуынша, билік орындары Минск метросындағы жарылысқа қатысты екі күдіктіні қамауға алған. Олардың біреуіне "Октябрьская" станциясына бомбаны орнатты деген айып тағылып отыр.

Бас прокурордың орынбасары Андрей Шведтің мәлімдеуінше, күдіктілер - Беларусь азаматтары. Бұл туралы ол басқа егжей-тегжейлі мәлімет бермеді.

Дүйсенбі күні Минскідегі метро станциясында болған жарылыстан 12 адам қаза тауып, 150-ден астам адам жараланды. Бүгін Беларусьте аза тұту күні деп жарияланды.

Билік орындары Минскідегі шабуылды "лаңкестік әрекет" деп атады. Жарылысқа байланысты жауапкершілікті ешкім өз мойнына алмады.

AzattyqTV

Аудиоподкаст

XS
SM
MD
LG