Ауғанстандағы жарылыстан полицейлер мерт болды

Жергілікті ресми өкілдердің айтуынша, бүгін Ауғанстанның шығысындағы бомба жарылысынан 3 полиция қызметкері опат болып, алтауы жараланған.

Нангархар уәлаятының Жалалабад қаласында болған шабуылға байланысты жауапкершілікті "Талибан" өз мойнына алып, 9 полицей өлтірілді деп хабарлады. Уәлаят әкімшілігі баспасөз қызметінің мәліметінше, бомба полицейлерді алып бара жатқан көлікке тиеліпті.