Accessibility links

Қазақстан - ЕҚЫҰ: Ақорда төрағалыққа қандай мақсат-міндеттермен кірісті?


Еуропадағы қауіпсіздік және ынтымақтастық ұйымына төрағалық етуді бастаған Қазақстан осы ұйымның толыққанды мүшесі ретінде өз міндеттері мен уәделерін орындап келді ме? Азаттықтың дөңгелек үстелінде айтылған пікірлерді тыңдаңыздар.


2010 жылдың 1 қаңтарынан бастап Қазақстан Еуропадағы қауіпсіздік және ынтымақтастық ұйымы сынды беделді халықаралық ұйымға 1 жыл бойы төрағалық етуге кірісті. Бұл, бір жағынан, жас мемлекетке деген зор сенім, екінші жағынан - асқан жауапкершілік.

Халықаралық қарым-қатынастардың сахнасына дербес, тәуелсіз мемлекет ретінде осыдан 18 жыл бұрын ғана шыққан қазақ елі үшін, кешегі Советтер елінің құрамында болған 15 одақтас республиканың, соның ішінде Орта Азия аймағы елдерінің арасынан – абыройы зор халықаралық ұйымға тұңғыш рет төраға болу – жас Қазақстан үшін шынында да зор жетістік болып табылады. Бұл – қазақ елі сынды жас мемлекетті халықаралық қарым-қатынастың терезесі тең, дербес субъектісі деп мойындау.

Алайда, сонымен бірге: Еуропадағы қауіпсіздік және ынтымақтастық ұйымына төраға болу құқы Қазақстанға тым қымбатқа түскен жоқ па? Аталған халықаралық ұйымға төраға болуға Қазақстан адам құқын, баспасөз бостандығын, діни сенім-наным еркіндігін, сайлау, бейбіт ереуіл-шеру-жиын өткізу құқықтарын қамтамасыз ету сынды осы ұйымның толыққанды мүшесі ретінде халықаралық қауымдастық алдында өзіне алған міндеттері мен уәделерін толық әрі мүлтіксіз орындап келді ме? Төрағалыққа Ақорда қандай мақсат-міндеттермен кірісіп отыр?

Осы сауалдар төңірегінде Азаттық радиосы өткізген дөңгелек үстелге Қазақстанның «Азат» жалпыұлттық социал-демократиялық партиясының бас хатшысы Әміржан Қосанов, Қазақстанның тарихи-құқықтық халықаралық «Демократия және құқық» орталығының төрайымы Барета Ерғалиева, «Ақ жол» демократиялық партиясы төрағасының орынбасары, cаясаттанушы Бөріхан Нұрмұхамедов, сондай-ақ Қазақстанның Еуропадағы қауіпсіздік және ынтымақтастық ұйымындағы төтенше және өкілетті елшісі Қайрат Әбдірахманов қатысты.

Жаңа, 2010 жылдың қарсаңында өткізілген дөңгелек үстелді «Азат Еуропа»/«Азаттық» радиосының қызметкерлері Сұлтан Хан Аққұлұлы мен Сағат Батырхан жүргізді.

Дөңгелек үстелдің аудиожазбасын мына жерден тыңдаңыздар:

1-ші бөлім

2-ші бөлім
XS
SM
MD
LG