Accessibility links

Беларусь белсендісі «салық төлеуден жалтарды» деген айыппен сотталды


Алесь Беляцкий сотта отыр. Минск, 24 қараша 2011 жыл.

Алесь Беляцкий сотта отыр. Минск, 24 қараша 2011 жыл.

Минск қалалық соты қарашаның 24-і күні Беларусьтегі белгілі құқық қорғаушы Алесь Беляцкийді төрт жарым жылға соттап, дүние-мүлкін тәркілеуге үкім шығарды.


Адам құқықтары бойынша «Весна» орталығының жетекшісі Алесь Беляцкийге «салық төлеуден жалтарды» деген айып тағылды.

Сот шешімі жарияланған соң Беляцкий: «Весна» тоқтатылмайды!» - деп мәлімдеп, сот шешіміне байланысты шағымданатынын айтты.

«Сот үкімінің осындай болатыны әу бастан белгілі еді» дейді Алесь Беляцкийдің әйелі Наталья Пинчук.

- Жалпы, сот шешімі осындай болады деп алдын ала болжағанбыз. Ресми бұқаралық ақпарат құралдарында жарияланған комментарийлерден кейін Алесь Беляцкийдің әйелі Наталья Пинчук (ортада) сотта отыр. Минск, 24 қараша 2011 жыыл.

Алесь Беляцкийдің әйелі Наталья Пинчук (ортада) сотта отыр. Минск, 24 қараша 2011 жыыл.

сот үкімі жеңілдеу болады деп үміттенген де емеспіз. Сондықтан біз шынында күткенімізді бүгін естідік. Оқиғаның осылайша өрбитінін, тіпті, Алесь қамауға алынбай тұрып-ақ білгенбіз. Бұл біздің саналы таңдауымыз болатын. Алесьтің тұтқындалуынан бір ай бұрын бұған дайын едік, - деді Наталья Пинчук.

Алесь Беляцкий 2010 жылдың желтоқсан айында Александр Лукашенко қайтадан президент болып сайланған соң билік орындарының бейбіт шерушілерді басып-жаншығаны туралы деректерді жариялаған.

Ол жетекшілік ететін «Весна» ұйымын Беларусь билігі 2003 жылы тіркеу құқынан айырған еді.

Еуроодақ мүшелері Литва мен Польша Алесь Беляцкий жетекшілік ететін ұйымды қолдау үшін банк есеп-шоттарын ашқандарын Беларуське мәлімдеген соң, 4 тамызда құқық қорғаушы тұтқындалған болатын. Екі ел кейін ол мәліметтерінің құқық қорғаушыға қарсы айғақ болғанына өкініш білдіріп, Беларусь режимімен абайсызда ынтымақтасқаны үшін ресми түрде кешірім сұрады.

Минскідегі сотқа Еуропа одағы мен АҚШ дипломаттары қатысты.

Еуропа одағы құқық қорғаушыға тағылған айыптардың саяси астары бар деп мәлімдеп, Беларусь билігін Беляцкийді тез арада босатып, оған тағылған айыптардың барлығын алып тастауға шақырды.

Оқырман пікірлері

XS
SM
MD
LG