Accessibility links

Алматыдағы Балуан Шолақ атындағы спорт сарайында ақпанның 11-і мен 12-сі күні «Қонаевтай ер қайда» деген атпен айтыс өтті. Көрермен қолдауымен екінші айналымға өткен Бауыржан Халиолла айтыстың үшінші кезеңінде Аманжол Әлтаевпен айтысты.


Сөз бастаған Бауыржан Халиолла Жаңаөзен тақырыбына тоқталып:

- Ау, елде қанша толқу, шеру болды,
Ешбірін оқпен атып, жаншымаған.
Тек бізде қойдай қырып, атып салды,
Ешкім жоқ көңіл айтып, хал сұраған.
Тілімен өз жарасын жазып жатқан,
Жаңаөзен қасқыр сынды-ау қансыраған.
Келмейді қу түлкідей бұлғақтағым,
Келмейді сынап құсап сырғақтағым.
Айтыстың бас ақыны деп жүргенде,
Жаңаөзен жайында, аға, тіл қатпадың.
Бір табан жоғарыға жақын едің,
Үйіңде жатып алып, үн қатпадың, - деді.

Аманжол Әлтаев қарсыласы көтерген Жаңаөзен тақырыбын одан әрі өрбітуді жөн санамады.

- Бүгіннің өткенменен көші жалғас.
Жарқылдап шықпайды ма, есіл алмас.
Горбачевтің жасаған қиянатын
Желтоқсан боздақтары кешіре алмас.
Димекеңді алғанмен орынынан ,
Халқының жүрегінен көшіре алмас, - деп айтыстың негізгі тақырыбы – мемлекет қайраткері Дінмұхаммед Қонаевтың мерейтойы мәселесін қозғады.


Айтыстың радио нұсқасын әр аптаның сейсенбі, бейсенбі күндері сағат 19.30-20.00 аралығында Азаттық радиосының әуе толқынынан да тыңдай аласыздар.
  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

Пікіріңіз

Оқырман пікірлері

XS
SM
MD
LG