Accessibility links

Астанадағы айтыс: Айбек пен Сағадат


Айбек Қалиев, айтыскер ақын. Қарауыл ауылы, Шығыс Қазақстан облысы, 15 қыркүйек 2011 жыл.

Айбек Қалиев, айтыскер ақын. Қарауыл ауылы, Шығыс Қазақстан облысы, 15 қыркүйек 2011 жыл.

Желтоқсанның 2-сі мен 4-і арасында Астанада «Тәуелсіз елдің таңы жарық» атты айтыс өтті. Айтысты Азаттық радиосы сайтынан тыңдаңыздар.


Аламан айтысқа қазақстандық ақындармен қатар Қырғызстан, Моңғолия және Қытай елінен айтыскерлер келді. Айтыстың алғашқы жұбы торғайлық Айбек Қалиев пен атыраулық Сағадат Нұрманов болды.
Айтыскер ақын Сағадат Нұрманов. Алматы, 22 наурыз 2010 жыл.

Айтыскер ақын Сағадат Нұрманов. Алматы, 22 наурыз 2010 жыл.


Ақындар Қазақстанда болып жатқан саяси-әлеуметтік оқиғаларды сөз етті.

Айбек Қалиев Қазақстан әскерінің қазіргі жай-күйін былайша суреттеді:

– Ұялы телефонға «бірлік» сал деп,
Сержанттар қанайды екен салықпенен.
Несие картасына пұл құйдырып,
Командирлер белгілі нарықпенен.
... Барған жастар үлгермей ел қорғауға,
Ертерек қоштасып жүр жарықпенен.
Әскерге аттанғандар шабытпенен,
Еліне қайтып жатыр табытпенен.

Айбек Қалиев Ақтөбе мен Тараздағы жарылыстағы ұлттық қауіпсіздік комитеті қызметкерлерінің әрекетін де сынады.

– Ақтөбеде бүлікші тоғыз жанды,
Арнаулы әскерімнің қайда алғаны.
Тоғыз жанға мыңының әлі жетпей,
Шоқ түскендей шабына ойбайлады.
Күні кеше Таразда да бір бүлікші,
Лаң салып, түске дейін тайраңдады.
Ұстатпай ҰҚК мен полицияға,
Ойына келгенді істеп сайрандады,
...Өзін қорғай алмаған ҰҚК-міз,
Ұлттың қауіпсіздігін қорғай ма әлі.

Бұл тақырыпқа келгенде атыраулық Сағадат Нұрманов та қарап қалмады.

– Түспейді ел аузынан содырлардың,
Адамды бомба қойып жарғандығы.
Өкірер исламды қаралаған,
Алладан сыбағасын алған күні.
Біздерде дәрі қымбат, бәрі қымбат,
Тек қана азаматтың арзан құны,- деді Сағадат.

Бұл айтысты алдағы уақытта Азаттық радиосының әуе толқынынан да тыңдай аласыздар.

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

Оқырман пікірлері

XS
SM
MD
LG