Accessibility links

Жандарбек пен Сараның айтысы


Айтыскер ақын Жандарбек Бұлғақов. Алматы, 21 наурыз 2010 жыл.

Айтыскер ақын Жандарбек Бұлғақов. Алматы, 21 наурыз 2010 жыл.

Ақпанның 12-сі күні Алматыда Ғабит Мүсірепов атындағы балалар мен мен жасөспірімдер театрында «Жүрсіннің жүйріктері» атты айтыс өтті. Бұл айтыста төртінші жұп болып сөз қағыстырғандар – Жандарбек Бұлғақов пен Сара Тоқтамысова.


Қос ақынның жыр сайысы жеңге мен қайын арасындағы әзіл-қалжыңға құрылды. Сөз тізгінін бірден қолына алған Жандарбек Бұлғақов айтыстың араға екі жыл салып барып қайта оралғанын айта келе, Қысқы Азия ойындарын да ұмыт қалдырмады.

– Ерлеріміз орындап ел арманын,
Спорттан айшықталды төр алғаның.
Жарты әлемге жар салып Қазақстан,
Азиада өткізіп, дем алмадың.
«Біткен іске – сыншы көп» демеңіздер,
Дұрыс қой ақиқатқа жол алғаным.
Крутойдың әндері шарықтады,
Қақ төрінде еңселі елорданың.
Өйтіп-бүйтіп алдық-ау бірінші орын,
Білмейміз, қай сайыста не болғанын,
– деп жырлады Жандарбек.

Ал Сара Тоқтамысова айтыс ауанын Жандарбектің жеке басына аударып жіберді.

– Бес жыл бұрын Жандарбек,
Шынымен рас кім едің.
Мен – жиырмадағы бойдақ қыз,
Сен – мектептегі ұл едің.
Айтақын әкең қасыңда,
Көк тақияң басыңда.
Аузы-басың ашылып,
Аңқиып, қарап жүр едің.
Бір түрлі еді ғой реңің.
Шатағың жоқ ешкімде,
Тап-таза еді жүрегің..., – деп жырға қосты.

Он бір адамнан құралған қазылар алқасы екі ақынға да бірыңғай он ұпайдан берді.

Жандарбек пен Сараның айтысы
  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

Оқырман пікірлері

XS
SM
MD
LG