Accessibility links

Жандарбек пен Балғынбектің айтысы


Жандарбек Бұлғақов, айтыскер ақын. Алматы, 8 мамыр 2013 жыл.

Жандарбек Бұлғақов, айтыскер ақын. Алматы, 8 мамыр 2013 жыл.

Мамырдың 8-9-ы күндері Алматыда студенттер сарайында Төле би, Қазыбек би және Әйтеке билерге арналып «Сүйер ұлың болса, сен сүй» деген атпен екі күнге созылған айтыс өтті.

Сахнаға жетінші жұп болып шыққан астаналық ақындар - Жандарбек Бұлғақов пен Балғынбек Имашев қоғамдық мәселерді қозғады.

Айтысты бастаған Жандарбек Бұлғақов Қазақстандағы рушылдық мәселесін Төле бидің сөзімен ұштастырып, былай жырлады:

– «Жүзге бөлінгендердің жүзі күйсін»,
Төленің осы сөзі таңдайда тұр.
Бүгінде төрде отырған көп төрелер
Бабамның сол сөзінен шалғайда тұр.
Алдына жұмыс сұрап бара қалсаң,
Туыстан басқаға көз салмай жатыр.
Руласы болмай шықсаң, жұмыс түгіл,
Аула сыпыруға алмай жатыр.
Төле биге он бесте қонған ақыл
Төрелерге әлі де қонбай жатыр.

Балғынбек Имашев, айтыскер ақын. Алматы, 8 мамыр 2013 жыл.

Балғынбек Имашев, айтыскер ақын. Алматы, 8 мамыр 2013 жыл.

Айтыс ақындарының өлеңді жаттап келу мәселесін айтып өткен Балғынбек Имашев Алматыны былайша суреттеді:

​– О, қала,
Қонаев салған қала,
Қып-қызыл алмаң қайда?
Жап-жасыл баулар қайда?
Сыймады-ау тар маңдайға.

О, қала,
Тоналып қалған қала,
Жеп кеткен байлар қайда?
Шетелде тайраңдай ма?
Үкімет ойланбай ма?

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

Оқырман пікірлері

XS
SM
MD
LG